Aínda!

     Retírase un ministro de Franco, o tipo ten 89 anos e aínda estaba ahí dando... Agora, os ingleses titulando... Como diría Benito, de Vilanova de Arousa: iso se non é joder, é querer.

É certo

 

pero quizais o único que nos queda

 

Un pouco de retranca ante as declaracións da Concelleira de cultura da Coruña.

Cada quen no seu sitio

No Diario de Pontevedra do 8 de agosto (páxina 42) queda todo ben claro. María José é a única residente en Pontevedra, Guillermo e Ernesto son peñistas pero Antonio e Marisol son funcionarios que por suposto non poden ser peñistas nin vivir nesa cidade. Iso sí, non sabemos onde viven Ernesto e Guillermo. O que sabemos é que María José non é funcionaria nin peñista, pasaría por alí. Non sei, déixoo, estoume liando.

Los gallegos tienen que defender las ventajas de usar su idioma

Lémbrome dunha vez que unha camareira nun bar, ó ser preguntada por un amigo meu por que falaba galego (extrañouse el, era moi nova), só respostou: "Se non o falamos nos, quen o vai falar?"
Onte un home de Ourense falando comigo non sabía o que eran nin chícharos nin ervillas (ervellas), tamén onte en El País falaba Takekazu Asaka. O que non facemos nós, fano os de fóra.

E despois...

Despois de xantar unhas croquetas de polo, a partida. Que non falle!

Unha de croquetas

María, a min tamén me gustan as de polo

Os mercaderes do pavillón II: Vergoña!

Agora xa sabemos un dos xeitos que teñen de se facer con propiedades.

Non é utopía

que non o sexa

 

pode haber telexornais así.

Os mercaderes do pavillón

     Este libro, escrito, editado e publicado polo Bispado de Tui-Vigo é unha revisión actualizada do evanxelio de San Xoán. Daquela Xesús expulsaba ós vendedores do templo, nesta...
     E tratan cun pavillón adicado ó deporte, feito, construído polos veciños cas súas mans, (ceibe de calquer institución) e polo que piden 850 € ó mes!. Eles só tiñan un terreo (habería que saber como conseguiu a Igrexa tanta propiedade), pero agora que hai unha construcción e a posibilidade duns cartiños...
     E para os que teñan facebook

Outro máis.

Pecha Galicia Hoxe, coma xa fixeron A Nosa Terra, Vieiros, A Peneira... Ata cando?




 

Vírgula

Qué grande é o poder de ubicación dunha simple coma!

Lee a seguinte frase, onde falta unha coma:

"Se o home soupera realmente o valor que ten a muller andaría en catro patas na súa búsqueda".

Se es muller, con toda seguridade colocarías a coma despois da palabra "muller".
Se es home, con toda seguridade colocarías a coma despois da palabra "ten".
OU NON?

Esta broma circula por internet pero na cidade de Vigo, fronte ó porto, pódese ver isto

 

Corina Porro Martínez terá moitas virtudes, non sei, digo eu. Entre elas ser a nena no bautizo, a noiva na voda e a morta no funeral, agás concelleira en Vigo. Ou xogo de dianteiro ou non xogo, eu estou aquí para marcar os goles e figurar nos xornais, non para traballar por Vigo. E como escolleron a outro "caballero" para mandar, marcha. O que si non sei e se pode inaugurar o mar no que desapareceron mariñeiros. Quizáis lle falle unha vírgula a ese mar.

Faltábame un

Academia Octavio (Asobal)

Obradoiro Cab (ACB)  

El Olivo (Superliga) e con respecto a estas últimas, un botón de mostra: as súas contrarias en equipos punteiros coma Barcelona, Espanyol... cobran tanto arriba, tanto abaixo unha prima duns 130 € por empatar un partido e 200 por gañalo. Elas 20. Hai xogadoras que esixen traballo ademáis de cobrar polo equipo ou se non, un bo soldo por só xogar. En Vigo non haberá fichaxes.

E o C.D. Lugo? Que/quen fallou no Anfield Carro?

Xusto agora, home!

Lendoiro: "El fútbol del norte de Galicia es diferente al del sur; aquí gusta la calidad"

Enfurruñouse o neno/presidente! Isto dixoo tras o descenso.

Resultados en Oímbra (ver 17 de maio)

Non os ía pór pero por se alguén ten curiosidade:

PP: 8 concelleiros, 68% dos votos. No 2007, 6 e 67%
PSOE: 2 e 19% dos votos. Nas anteriores, 2 e 21%
BNG: 1 e 11%. Antes, 1 e 10%

No 2007 había 9 edís, agora dous máis... do PP.

Gogue

Dereito a vivenda.

Traballo non haberá, agora vivenda...

No número 6 da rúa dos Pateiros en Oímbra están censados 27, dixen ben, vintesete inmigrantes sen relación nengunha de parentesco entre eles. Este feito dase en outras casas do pobo chegando en varias a máis de 20, pero nesa é onde máis hai. E a vivenda é de... Alfonso Villarino... o alcalde! (PP). "Unos van y otros vienen" di o home, supoño sorprendido polo eco da noticia e o mal pensar da xente: o día 22...

Para que logo falen deles. Repito, choio igual non hai pero un lugar onde durmir e vivir... Oímbra! Viva o noso alcalde! que para iso leva 30 anos. E o día 22... acaba a liga.

Nacionalcatolicismo.

É a denominación ca que se coñece unha das señas de identidade ideolóxica do franquismo, o réxime dictatorial co que Francisco Franco gobernou España entre 1936 e 1975. A súa manifestación máis visible foi a hexemonía que tiña a Igrexa Católica en todos os aspectos da vida pública e incluso privada. Isto di wikipedia, o que non sei e por que pon como data de remate 1975. Estamos en 2011 e como dixo Carol Anne Freeling en Poltergeist

¡ya están aquí!

En Galicia correximos a Carol e dicimos aínda

E despois da misa:

Este concelleiro do PP era o azote do botellón en Santiago e mesmo chegou a infiltrarse nun ca súa compañeira Paula Prado. Moito aprendeu.

Doado

Conta a miña nai que unha vez de nena tivo que sair da casa, deixou as chaves debaixo do felpudo (antes facíase: nas plantas, nos buratos..., non había tantas copias) pero iso sí, por se viñan a miña avoa ou a miña tía e como non o sabían, na porta quedou unha nota que dicía: "As chaves están debaixo do felpudo".

Esta familia de Melgaço evita toda esa literatura e aforra papel.

Ribeira sacra sur

Boa xornada do sábado pasada entre o mosteiro de San Estevo de Ribas de Sil (moi ben reformado e preparado para a hostalería) e o de San Pedro de Rocas (precioso, co centro de interpretación da Ribeira Sacra, a espadana na pedra fóra da igrexa e impresionan as tumbas de pedra). Do primeiro salientar tamén os tres claustros.

No medio parada para xantar en A Fontradeira (Xunqueira de Espadañedo), cómese ben e acompaña a simpatía da filla dos donos. Alí pretiño está Niñodaguia (cerámica) e o Alto do Couso cunha olería co mesmo nome onde se entra merca seguro, leve coidado! (pero hai que ir)

E de volta para casa parada ó azar na carnizaría Quintana que está na Derrasa (Pereiro de Aguiar) cerca de O Roupeiro, sempre recomendable. Pois moi, moi boa a carnicería con moi bo material. De ahí viñeron os riles da cea.

Límpeos ben (por fóra deberán vir) por dentro sacándolle toda a graxa. Córteos aproveitando o dibuxo, esa especie de esferas e páseos pola tixola con pouco aceite. Tire de ahí a un anaco todo o líquido que botaron e comece de novo cun chisco de aceite. Pouco despois cebola en xuliana, sal e imos movendo para que se fagan ó tempo. Ó que estea a cebola, bo chorro de Porto e deixamos facer e reducir. Riquísimo. Bo proveito e grazas.

Así estamos, así nos vai (II)

http://www.youtube.com/watch?v=O4iUzyVQTIM

Sen comentarios

http://www.farodevigo.es/portada-o-morrazo/2011/02/14/educacion-destina-profesor-galego-dar-musica-pese-desconocer-materia/518211.html

http://www.farodevigo.es/portada-o-morrazo/2011/02/15/siento-timando-alumnos/518582.html

Non fan falla, non compren comentarios.

Sacada da prensa de hoxe

E de que me soa a data?

Estache ben o conto!

Feijóo pide a sus candidatos que reduzcan los gastos innecesarios

Se son innecesarios podedes gastar pero ollo! só ata o 70 %. Pero gastade, podedes usalos sen medo que os cartos non son nosos.

http://www.farodevigo.es/galicia/2011/02/12/feijoo-pide-candidatos-reduzcan-gastos-innecesarios/517953.html

Calquer tempo pasado foi mellor

http://www.farodevigo.es/deportes/2011/02/06/mundo-pies/516001.html

Manda carallo!

Correos non admite esta imaxe como selo. De nada lle serve ser o autor homenaxeado co gallo do Día das Letras Galegas. Non vale e non vale, ¡porque lo digo yo!.

Máis información en sihomesi.com

http://sihomesi.com/2010/12/31/correos-non-admite-un-selo-lois-pereiro/

Grazas redelibros!

Texto gañador do Concurso de Microcontos en redelibros.com:

Hule sen futuro

Son dezaseis. E para eles a vida en Calvo, concello de Pardiñas é sempre a mesma: os días, os meses, os anos son todos iguais un ó outro, un ó outro. Coma as tardes en casa de Victoria. Dende que enviuvou hai xa sete anos, Nina acude ca súa veciña pra deixar pasar a vida entre partidas e paroladas, rifas e risas.
Victoria pon a quentar o leite, que tomarán con pouco azucre e menos descafeinado, “pra darlle gusto, o leite solo tamén…”, recolle a mesa e deixa cair un tapete tan descolorido coma as cartas que enriba quedan. Da igual o día, o tempo…
Só unha vez mercaron o xornal, unha vez soa. Cando a dobre páxina central apareceu a nova “La alcaldesa quería irse con el enterrador”. Unha enorme foto ocupaba ámbalas dúas páxinas, debaixo o titular e despois todos os detalles ocupando as dúas follas.
Baixo o branco frío decembro, este xoves presenta algo diferente, algo que á dona da casa non lle gosta e lle asusta. Tras facer a rutina xa autómata, hoxe deulle tempo mesmo a lavar os cacharros, varrer e fregar a cociña pero segue soa. Na televisión, un repelido rapaz di: “… estamos en directo, son as cinco e trece da tarde e…”.
Victoria apagou o lume, recolleu “a ferramenta” do vicio que ambas tiñan e sentou cas mans xuntas. Unhas fiestras con moito pasado termaban unhas bágoas cargadas de dor mentras ollaban un hule sen futuro. Eran dezasete.

Anatomía dunha mentira

Aquí lles deixo o enlace, por se o queren ler:

http://filipediez.blogaliza.org/archives/237

Un que se vai, outro que ven

Teño 2.011 desexos para vostedes, pero son moitos para enumerar aquí. Conformémonos con ila virando e sexan felices, que ben o merecen.

Feliz aninovo