La verdad, entender enténdese.

Acudín hoxe mesmo ó Mercado da Tía Ni (R/ Julián Valverde, 36 - Sabarís, Baiona). Non era a primeira vez nin será a última, abofé. Aconséllolle dar unha voltiña por esta casa chea de produtos de todo tipo en merca-venda, mesmo libros ó peso, ó kilo. E se queren aproveitar aínda máis a viaxe (iso fixen eu), vaian un luns que amais de ter un rastro de antigüidades na entrada é día de mercado en Sabarís. E asegúrolle que non é malo, de certo.

E nun dos cuartos, atopei esta clasificación temática dos libros que alí se venden (estes non van ó peso) na que se ve á dereita unha explicación se cadra innecesaria bilingüe. Arriba á esquerda só vai en español e abaixo a unión de ambos idiomas sen necesidade de traducción. "Mellor, aforramos" debeu pensar quen o fixo.

Sen sorpresas

Nestas olimpíadas tamén gañaron os favoritos, quero dicir que saíron agraciados no sorteo os que tiñan máis papeletas independientemente da súa familia. O bo é saber que créase emprego, que hai traballo.

   

Erro gracioso polo menos

     Fixádevos na foto que ven nesta nova que publica Orange e lede o texto que acompaña. ¡Cómo Rueda el mundo, Alfonso! Onte conselleiro de Presidencia e hoxe narcotraficante e lavandeiro de cartos. Por certo, estes de onde lle veñen, do primeiro ou do segundo? Total, só son 4´5 millóns de euros, unha brincadeira, coma este texto.

Sen palabras

Ía pór algo pero a verdade é que non me sae nada, o titular xa do di todo. Gracias.

Outra vaca no millo ou lembranza de Dante.

A liga de fútbol en segunda división rematou na tempada 2007/08 o 15 de xuño de 2008 e boa memoria ten que ter o presidente do Rácing de Ferrol que se lembra do acontecido aquel día, a boa hora, home!
Pero o orixinal do conto é que a súa memoria actívase agora que o equipo vai mal en terceira división. Se retornara un ano despois á categoría de prata, tería estes recordos?

Iso sí, recoñezámoslle ó conxunto departamental unha mala sorte terrible: é o único equipo de toda a historia en España (estou investigando pero non atopo tampouco caso igual no mundo) que baixou por un partido, por un só encontro. Porque o Ferrol, querido lector, ía de maravilla na clasificación con miras mesmo a ascender e un contubernio vigués-vitoriano (que diría outro de Ferrol) veu chafar todo o conquerido ata entón, o Celta perdeu co Alavés.

Que non baixou por gañar 12 partidos de 42 xogados e sumar 50 puntos en total, non. Descendeu por esa conspiración xudeo-masónica que se produciu por 100 míseros millóns de pesetas. Con iso non te fas máis rico! Razón tiña a miña amiga Marga: Deus che dea a quen botarlle as culpas.

"No hay mayor dolor que acordarse de los tiempos felices en la desgracia" deixou dito o poeta florentino (con minúscula) hai xa uns 700 anos pero Isidro Silveira aínda non tivo un minuto en 7 séculos para lelo.

Bilingüismo en San Brais

Nun furancho de Bembrive atopei isto pero, esa última palabriña...!!! Reúne e resume mellor as dúas línguas oficiais (e obrigatorias) desta romaría (polo visto).